Páginas vistas en total

martes, 16 de diciembre de 2014

Diciembre2014/Miscelánea. LEYENDA DEL SEÑÓ DE SAN CHUAN (BAL DE CHISTAU)

LEYENDA DEL SEÑOR DE SAN JUAN 
EN EL VALLE DE GISTAÍN
(HUESCA)
*
******
***
*
No i eba sitio ta ellos…
(BILLANZICO DE L’AÑADA DE 2009)
“El ba embolicar en pañals y el ba recostar
en un pesebre…” (Lucas, 2,7)
*
No i eba sitio ta ellos…
No i podeba estar
perque yera pobre
sin cosa que dar.
En un brosquil biello
plen de palla y fiemo
baixés de lo eterno
a un mundo popiello.
No te ban fer falta
ni ricos palazios
ni fondos espazios
de oro u de plata.
Baixabas d’un zielo
que no tiene mida.
¿Ta qué, si benibas
amor repartindo?
A l’amor le sobran
palazios y ricas
faziendas grandizas
qu’es ombres fabrican.
El amor se’n baixa
buscando a’s pastors
que son, entre toz,
bilando rabaños.
El amor lis nimbia
ánchels cantadors,
ánchels proteutors
en ixa nuei fría.
El amor les grita
con dulze reclamo
a’s pastors que bilan
guardando es rabaños.
Ánchels y pastors,
mozez y mozetas,
cantaz bien contentos,
qu’ha naixido Dios.
Al rezién naixido
le quiero rogar
que bienga a buscar
a l’amor perdido.
El tuyo y el mío
y el de tantas chens
que no saben bien
per án se’n ha dido.
El amor más gran
que l’aplena tot,
dentro de nusatros
el em de trobar.
Que el Reino de Dios,
el que tray la paz
y el gozo más gran,
nos lo tray Chesús.
Aplena-nos l’alma
con ixe amor tuyo
que ye dulze arrullo
y tranquila calma.
Chesús de Belén,
traigo las mans plenas
d’almas de mozez
que tot te l’ofredan.
De rodillas son
debán d’el pesebre
anque tu t’asientas
asperando siempre.
Mozetas, mozez
de l’Altoaragón
debán de tu son
y t’adoran plens
d’amor de ilusión.
Ánchels y pastors,
mozez y mozetas
ta Belén eslampan
con el corazón.
Son a’s tuyos péus,
t’adoran, Señor,
y te piden grazia
ta ser es millors
d’es mozez d’el mundo.
¡T’adoran, Señor!
Nieus-Luzía Dueso Lascorz
Balbastro, 29-XI-2009
*