Páginas vistas en total

miércoles, 16 de octubre de 2013

Octubre2013/Miscelánea. CALLES, PLAZAS Y PATIOS DE RUBIELOS DE MORA

F. OLIVAN BAILE
(De la Real Academia de la Historia)
Polida y esblanquecida ye, zertas, Rubiels de Mora, a la que istos alchetibos li consonan por a polideza de as suyas casas siñorials, a suya Casa d´a Billa, molimentos y fuens que zentran escoscadas carreras y plazas, argüello de Tergüel y a suya provincia, de que ista billa ye modelo, asinas que as suyas alfayas artisticas, belunas tresbatitas en a zaguera pezquina zebil (36-39).
*
Fa muitos años que besité Rubiels por primera begata. Allora ya la güellé como conzieto d´a natura; por o suyo caserío y, por a riqueza prehistorica d´o suyo sulero, cuasi innorata. Ixo contrimuestra no bi´n aber estato perén “TERRÉN DE BARZAS” como etimoloxicamén diz o latino “RVBVS IDOEVS”, d´asti, Rubiels por os mansurerals que, estendillatos por a redolada, dioron color a ista planura.
*
Ye afincata a la derrita d´o río Rubiels, naxito en dos fuens que acarrazan a Nogueruelas, que, dimpués de curto camín aboca en o Millars, antis de plegar a Olba.
*
Se troba Rubiels a 11 quilometros de Mora a 50 de Tergüel, 236 de Zirigoza y 295 de Güesca. Castiellón y Balenzia remanen m´s amanatas.
*
Estié encletata la billa de muro de no güaire reziura, d´o que poco remane. Drento d´aquers se ubren carreras bien solatas y planas. Cuatro plazas se conoxeban con os nombres: d´o Carmen, d´o Sol, d´a Güembra y d´os Toros. Dos fuens decoran a billa, sin d´atra utilidá, pues ista tien augua corrién y alcanduz dende 1900.
*
A suya tierra produze trigo, zentén, ordio, trunfas, cañimo, fruitas, ortalizias y bin.
*
Tien a embute ganado lanar, ya de tradizión, y crabume; agundando-ie a cazera de coniello, llebre y perdigana.
*
Zelebra mercau toz os domingos.
*
Ferias d´o 19 a o 21 de marzo.
*
Fiestas mayors o 14 de setiembre.
*
L´ombre d´ista tierra ye dozil y prudén, no dau a la biolenzia, razonable, cumplido y acullidor.
*
(Grafía de la era Francho Nagore)