MALLATA.COM UN BLOG EN FABLA, MUY
RECOMENDABLE
*
*
Me llamo Lucía López Marco. En este blog
escribo sobre desarrollo rural, ganadería extensiva, soberanía alimentaria,
agroecología, etnoveterinaria... ¡y muchas cosas más!
*
Una mallata ye un puesto en metat d’o
campo u d’a montanya que sirve como cubilar a o bestiar y os pastors en as
nueitz que se dedican a o pastoreo u a transuancia, en zonas a l’aire libre. A
traducción aproximada de mallata en castellán ye “majada”.
En a enciclopedia dichital Wikipedia
trobamos que a mallata “se compone d’una u quantas casas chicotas u chozas que
sirven de cobertizo a o bestiar y acondicionadas como cubilar t’o pastor,
rodiadas d’una cleta, normalment de piedra, que fa as veces de corral. Se gosan
situar en zonas an que l’augua, os pastos y l’alimento son abundants
y os animals puedan estar prou abastecius”.
Iste blog naixe ta estar una mallata, un
cubilar an trobar información sobre agroecolochía, sobiranía alimentaria,
desembolique rural y ganadería extensiva, un espacio pa compartir-la y pa que
pueda ir de cabanyera ta atras mallatas, y asinas, china chana, provocar
en a consciencia de todas y totz a necesidat de cambiar o sistema productivo
actual.
Bienvenidas todas as personas que quieran
habitar iste cubillar
*
·
8 MAY, 2017
O 8 de mayo, se celebra o día
internacional d’o somero, y dende Mallata.com queremos celebrar-lo compartindo
istas 10 curiosidatz sobre os somers que talment no conoixebas 
- Os somers se domesticoron en Africa fa bells 7.000 anyos, por ixo
o suyo nombre scientifico ye Equus africanus, que significa
literalment «caballo africano».
- Sisquiera tenesenos orellas de somero! Porque les sirven tanto pa
poder disipar a suya calor corporal, como ta percibir os sonius con gran
claridat. Amás, os somers son capables d’emitir rebuznos a un volumen
tant alto que les permite estar en contacto mesmo estando dica a 3
kilometros de distancia.
- Os equidos s’extinguioron en America a la fin d’a zaguera
glaciación y no estió dica 1495 quan tornoron a pisar o continent en introducir
Colón quatro mastos y dos fembras d’ista especie en una d’as suyas
expedicions. En o continent americán, amás d’aduyar en quefers relacionaus
con l’agricultura y o transporte, os somers tamién s’usoron en a minería.
- A leit de somera ye una d’as de mayor calidat que existen,
estando muit similar en composición a la leit humana. Comparando-la con a
de vaca, a leit de somera conta con muitas menos grasas, a metat de
proteínas y mas lactosa.
- Diz que Cleopatra se banyaba en leit de somera, y lo cierto ye que
s’ha contrimostrau que aporta muitos beneficios t’a piel, estando idonia
ta piels sensibles y un muit buen tractamiento ta trastornos como a
psoriasis y os eccemas. Amás, qualques interpresas de cosmeticos la
incluyen entre os suyos ingredients porque estimula a renovación a ran
celular d’a dermis, nutrindo y rehidrantando a piel en profundidat.
- En Panticosa (Uesca), i hai una casa que se diz “Casa Burra”. O nombre
le viene porque fa muitos anyos i habió en o lugar un brote muit
fuerte de colera, y solament se i salvoron que os d’una casa porque
bebeban leit de somera, ya que, seguntes contan, ista leit apreviene de
contrayir dita malotía. Por iste motivo a casa adquirio lo nombre de Casa
Burra.
- Encara que muita chent los considere febles, os somers son, en
realidat, os millors defensors d’o rabanyo, pos alertan de periglos como
lo lupo, protechindo asinas a o bestiar d’os depredadors. Qualques torres,
como Casa Grande Xanceda, en Galicia, los han incluiu en o
suyo rabanyo y no han tornau ha recibir a visita d’os lupos.
- Tot y que se les creye fatos, os somers tienen una memoria
marabillosa, podendo recordar tanto a atros somers, como puestos
mientras a lo menos 25 anyos.
- Un somero domestico puede plegar a vivir 45 anyos.
- En Europa, o numero de somers s’ha reduciu d’os dos millons a
meyo millon en solament tres decenios, estando a mayoría de razas
autoctonas en periglo d’extinción.
