O lexico de l'aragonés alzato en as redoladas meridionals d'Aragón y replegato en una publicazión coleuctiba
*
Ista publicazión replega os treballos d'inbestigación que estioron presentaus en a chornada celebrada en Calamocha o diya 30 de setiembre de 2023. En era presentoron os suyos treballos una beintena d'estudiosos d'o lexico aragonés preserbato en a zona meridional d'Aragón y asistioron mas de 80 presonas.
O libro coleuctibo incluye “a conferenzia inaugural d'o profesor José María de Jaime Lorén sobre ‘Los trabajos de recopilación de léxico aragonés en el valle del Jiloca. Una panorámica’ y s'estrutura en tres seuzions”, esplican dende o Zentro d’Estudios d'o Xiloca.
A primera d'eras se zentra en a istoria d'a luenga aragonesa, con espezial menzión a ra suya presenzia en as redoladas meridionals aragonesas y con un estudeyo d'o lexico profesional metalurchico. A segunda seuzión esplica iniciatibas ciudadans ta replegar y espardir o lexico de l'idioma aragonés qu´encara perbibe en o sur d'Aragón, en particular, en o Baxo Aragón y en a bal d ó rio Aguasbibas. A tercera seuzión, que ye o cuerpo d'a publicazión, incluye os treballos de recopilazión de os bocabularios d'as localidaz de Alacón, Aliaga, Balconchán, Bañón, Calomarde, Zeladas, Escuita, Gallocanta, Guadalabiar, Palomar de Arroyos, Pancrudo, Tarazona y Billar d'o Salz.
Finalizan as autas con una seleución de poemas d'os escritors Chusé Carlos Laínez, Carmen Soguero Pamplona y Andrés Castro, toz ers binculatos a ras redoladas d'o sur d' Aragón.
A edizión, en formato dichital y en paper, ye estato reyalizata per o Zentro d'Estudios d'o Xiloca. Ta ras presonas intresadas o pre de benda d'os exemplars fisicos ye de 20 euros.
