Ferá alto u baxo 20 añadas que m´en trobé en una librería de biello en Zirigoza, unos legaxos en bitelo, escribitos en romance aragonés, que conteneban notizias antigas sopre ziertos escaezimientos datatos en a billa d´ Encinacorba t´allá por as añadas d´o baxo mediebo. Os escritos, dimpués de bien escrutatos y estudiatos conteneban bel conchunto de legendas sopre ista billa y castiello que alzaba por aquer tiampo o paso d´o puerto de l´Alto de San Martín. De aquera epoca de luitas entre moros y cristianos, de cristianos cuentra cristianos, y de mugas miaja definitas nos plegan belunas de ixas legendas, atras se apolorgaron en añadas zagueras y dan fe, zertas, de escaizimientos muy esclateros d´a billa de Lezinatuerta (sic), tal como o leutor, podrá leyer en proximas entregas. N´ista segunda enchaquia presentamos ya, adautata a o lenguache autual, a legenda de LA ENZINA CORVA.
**
*
