CAPAZIAR
*
Ye un "deporte" que se prautica muito en
Tergüel. Agora, con a moda ista de pasiar a troche y moche, a chen se´n troba a ormino en as
carreras. Plantaus firmes, y si ye posible a resol, escomenzipia la charrada. O
primero ye o repaso a la salú. Dimpués, se demanda por a parentalla, repaso
completo, minuzioso y, en zagueras, terzia a pulitica, luenga y sin de rematanza. Quinze menutos… meya ora…
cal dispidir-se que si no, no se´n plega a fer os recaus. Pero, ridios… a os pocos
pasos te´n trobas con un atra presona. Y torna a mesma falaguera.
En rematando totas as capaziaduras
plegas a casa y esberrecas: ¡ridios, que poco m´ha cundito a mañana! Apenas
m´ha dau tiempo ta fer dengún mandau.
Por ixo, en una ziudá chiqueta como
Tergüel, clamamos chitar capazos o capaziar, a las charradas que de contino
femos por as carreras con amigos o conoxitos.
**
*
